សុខភាពល្អ(ភាគ២១)

_វិតាមីនB12(cyanocobalamine)៖មាននៅក្នុងសាច់ជា
ពិសេសក្នុងគ្រឿងក្នុងសត្វ,គ្រុំ ងាវ ត្រី បង្គា ក្ដាម ស៊ុត
ទឹកដោះគោ។វិតាមីនB12អត់មាននៅក្នុងបន្លែនិងផ្លែឈើទេ។
មុខងារ៖ធ្វើអោយលូតលាស់ធំ ផលិតឈាមក្រហម អោយខួរ
ក្បាលដំណើរការបានធម្មតា
កង្វះ៖អស់កម្លាំង អារម្មណ៍មិននឹង ធ្លាក់ទឹកចិត្ត បញ្ហាចងចាំ
_វិតាមីនC៖មាននៅក្នុងបន្លែឆៅ និងផ្លែឈើ ដូចជា
ក្រូច ក្រូចឆ្មារ ក្រូចថ្លុង ម្ទេសផ្លោកក្រហម Broccoli
Cantaloup Framboise Fraise kiwi Bleuets ផ្លែប៊ើ
ឳឡឹក ល្ហុង ដំឡូងបារាំង ដំឡូងជ្វា
ចង់កុំអោយបាត់បង់វិតាមីនC ត្រូវចំអិនបន្លែឆាប់លើក
ដោយជៀសវាងកុំដាក់ទឹកច្រើន(ចំហុយល្អជាង)។បើត្រូវ
ពន្លឺ ឬកំដៅយូរអាចធ្វើអោយបាត់បង់វិតាមីនC។
ត្រូវលាងបន្លែនិងផ្លែឈើនឹងទឹករ៉ូប៊ីណេ មិនត្រូវត្រាំវា
យូរក្នុងទឹកទេ។
មុខងារ៖ជួយការពារជម្ងឺផ្ដាស់សាយ ជម្ងឺមហារីក ជួយផ្សះរបួស
ជួយកុំអោយកើតជម្ងឺរាក់ស៊ីធ្មេញ ជួយក្នុងការផលិតស្បែក
សរសៃ និងឆ្អឹង ជួយស្រូបជាតិដែកក្នុងបន្លែ ជួយផលិត
គុលិកាឈាមក្រហម ជួយពង្រឹងប្រព័ន្ធការពារជម្ងឹ ជួយ
បំបាត់ជម្ងឺប្រគ្រីវជាជម្ងឺដែលបណ្ដាលអោយញាក់កន្រ្តាក់
ស្ពឹកស្រពន់ជើង ជួយការពារជម្ងឺបេះដូង និងសរសៃឈាម។
កង្វះ៖កើតជម្ងឺរាក់ស៊ី ធ្វើអោយឆ្អឹងស្រួយ ស្បែកស្ងួត
ធ្វើអោយឈឺសន្លាក់ដៃជើង
_វិតាមីនD៖ត្រូវពន្លឺថ្ងៃ10នាទីទៅ15នាទីអាចជួយយើង
សំយោគវិតាមីនDបានគ្រប់គ្រាន់សម្រាប់មួយថ្ងៃ វាមាន
នៅក្នុងថ្លើមត្រី ទឹកដោះគោ ពងមាន់ បង្គា គ្រាប់ផ្កា
ឈូករ័ត្ន ផ្សិត
មុខងារ៖ជួយអោយឆ្អឹងស្រូបកាល់ស្យ៉ូមកុំអោយឆ្អឹងពុក
ជួយធ្វើអោយធ្មេញមាំជួយផលិតជាលិកាសាច់ដុំជាថ្មី ជួយ
សាច់ដុំអោយកន្រ្តាក់ ជួយថែរក្សាខួរក្បាល
កង្វះ៖កើតជម្ងឺក្រិនឬក្រែះ ជម្ងឺពុកឆ្អឹង
_វិតាមីនE៖មាននៅក្នុងប្រេងបន្លែនិងគ្រាប់ធញ្ញជាតិដូច
ជាគ្រាប់ឈូករ័ត្ន Amande សណ្ដែកដី céréale
ផ្លែប៊ើ ពងត្រី ត្រីSardineកំប៉ុង Margarine បន្លែ
ស្លឹកបៃតង
មុខងារ៖មានតួរនាទីជាAntioxydantជាមួយវិតាមីនA
និងCកំចាត់រ៉ាឌីកាល់សេរីដើម្បីអាចការពារការរលាកហើម
និងមហារីក ជួយអោយមានកូន(កុំអោយអា) ជួយអោយ
គភ៍ចំរើនធំ ជួយកំចាត់ស្រ្តេស ជួយការពារជម្ងឺបេះដូងនិង
ជម្ងឺសរសៃឈាម
កង្វះ៖កង្វះវិតាមីនEសឹងតែគ្មាននៅក្នុងប្រទេសជឿនលឿន
ប៉ុន្តែមានមិនតិចទេនៅក្នុងបណ្ដាប្រទេសកំពុងអភិវឌ្ឍ,
បណ្ដាលអោយខ្វះឈាមក្រហមនិងបញ្ហាសរសៃប្រសាទ,
បណ្ដាលអោយស្រ្តីឬបុរសមិនអាចមានកូន,បណ្ដាលអោយ
ស្បែកស្ងួត
_វិតាមីនK៖មាននៅក្នុងស្ពៃក្ដោប ផ្កាស្ពៃ សាឡាដ ទំពាំងបារាំង
ប្រូកូលី អេពីណារ ប្រេងសណ្ដែកសៀង កាណូឡា បន្លែនិងផ្លែ
ឈើដទៃទៀតមានវិតាមីននេះតិចតួចប៉ុណ្ណោះ
មុខងារ៖ជួយធ្វើអោយឈាមកកក្នុងមុខរបួសដើម្បីបិទមុខ
របួស ជួយថែសុខភាពឆ្អឹង
កង្វះ៖បើខ្វះធ្វើអោយពុកឆ្អឹងដូចខ្វះវិតាមីនDដែរ,អាចធ្វើ
អោយចេញឈាមហូរមិនបាត់ក្នុងមុខរបួស។កង្វះវីតាមីន
នេះមានច្រើនចំពោះតែទារក មិនសូវកើតមានចំពោះ
មនុស្សពេញវ័យទេ តែអាចកើតមានប្រសិនជាមានជម្ងឺ
ថ្លើម ប្រម៉ាត់ និងពោះវៀន។