នឹកពេលណា យំពេលនោះ

សាមសិបប្រាំឆ្នាំកន្លង បងមិនដែលភ្លេចប្អូនឡើយ បងសោកសៅហ្មង នឹកគិតមកប្អូនឥតស្បើយ ទោះស្រែកយំ ក៏មិនអាច នាំប្អូនត្រលប់មកវិញ បងឈឺចាប់មិនដែលខ្លាច ហើយពេលនឹកប្អូន អារម្មណ៍បងមិនខ្លាច គឺមិនខ្លាចទៅជាឆ្កួត បងនឹកប្អូនហ៊ឺៗ… យប់ស្ងាត់សូន្យ ឯភ្លៀងធ្លាក់ចង់បាក់មេឃ យំម្នាក់ឯង នឹកប្អូនពេក ចង់មានថ្ងៃស្អែកឃើញប្អូនឈរមុខបង។

ប៉ុន្មានថ្ងៃកន្លងមកនេះ ម៉ាក់បានប្រាប់បងថាម៉ាក់ចាំពាក្យសម្ដីប្អូននិយាយបានច្រើន ព្រោះប្អូនចេះនិយាយពាក្យសម្ដីដូចមនុស្សធំ ហើយថាចំណែកបងវិញ្ ម៉ាក់អត់ចាំពាក្យសម្ដីដែលបងនិយាយកាលពីនៅតូចដូចប្អូនទេ។ម៉ាក់បានប្រាប់កាព្យខ្លីមួយ(ពាក្យជួន)ដែលប្អូនសូត្រប្រាប់ម៉ាក់ៗចាំរហូតមកដូចខាងក្រោមនេះ៖_អាភា នំពា (សុភា ត្រូវជាក្មួយអាយុបង១ឆ្នាំ)_អាភ័ក្រ្ត ធ្លាក់(សុភ័ក្រ្ត ត្រូវជាក្មួយអាយុប្អូន២ឆ្នាំ)រួចហើយមាក់សួរចុះហ្អែង?_អារុង កាណុង (ប្អូនឆ្លើយតបម៉ាក់)បន្ទាប់មកម៉ាក់រំលឹកប្រាប់អ្វីដែលម៉ាក់បានចំាអំពីប្អូនមុនប្អូនបានលាចាកលោកទៅបន្តទៀតដោយទាំងអួលដើមក។ប៉ាអង្គុយលើគ្រែម្នាក់ឯងស្ដាប់ម៉ាក់រៀបរាប់ដោយទឹកមុខរលីងរលោងជាមួយបងដែលឈរនិយាយជាមួយម៉ាក់នៅចំពោះមុខកោដិធាតុរបស់ប្អូន។ប៉ាក៏ចេញវាចាថាស្ដាយប្អូនណាស់ អាណិតប្អូនណាស់!!!បងក៏យំហូរទឹកភ្នែកហើយបងបានសុំម៉ាក់បើកមើលធាតុរបស់ប្អូន។ម៉ាក់ថាបិទជិតហើយ…ដឹងថានឹងសុំមើលថ្ងៃក្រោយវិញព្រោះពេលនេះបងប្រញ៉ាប់វិលទៅផ្ទះវិញ ។បងថាជាង៣៥ឆ្នាំហើយមិនដែលបានឃើញធាតុរបស់ប្អូនទេ…បងយំបណ្ដើរនិយាយបណ្ដើរ…សូម្បីកាលគេរំលាយសពប្អូនក៏បងមិនបានទៅមើលឃើញឡបូជាសពប្អូន។បងមានអាម្មណ៌ខឹងខ្លួនឯងហើយមានទុក្ខធំចំពោះមរណៈភាពរបស់ប្អូន។ហើយក្រោយពីគេរើសធាតុប្អូនដាក់ក្នុងបង្វិចក្រណាត់សរហូតយកមកផ្ទះនៅជំរំAnnex2ក៏មិនបាននរណាបើកអោយមើលធាតុប្អូន។ប្អូនអើយ យើងឯណេះមិនដឹងប្អូនចាប់ជាតិឡើងវិញកាលពីយូរឬពីពេលណាទេហើយក៏មិនអាចដឹងពីប្អូនទៅបរលោកនោះយ៉ាងម៉េចដែរ….តែយើងសូមអោយប្អូនជួបសំណាងល្អកើតជាតិណាៗកុំអោយឈឺស្លាប់ទាំងវ័យក្មេងដូចនេះទៀតហើយសូមប្អូនមានអាយុវែងបានសេចក្ដីសុខសប្បាយជាពិសេសមានសុខភាពល្អបរិបូរក្នុងជីវិត ហើយប្រសិនជាមានឋានណាដែលគ្មានទុក្ខនិងសេចក្ដីស្លាប់ហើយយើងអាចទៅបន្ទាប់ពីជីវិតនេះដោយមិនត្រូវត្រលប់មកវិញ បងសូមជូនពរប្អូនបានទៅដល់មុន រង់ចាំយើងទាំងអស់គ្នានៅឋាននោះផង។យើងរស់នៅសព្វថ្ងៃនេះ ត្រូវពេលវេលារុញច្រានយើងឆ្ពោះទៅសេចក្ដីស្លាប់ដែរពីមួយថ្ងៃទៅមួយថ្ងៃ ពីមួយអាទិត្យទៅមួយអាទិត្យ ពីមួយខែទៅមួយខែ ពីមួយឆ្នាំទៅមួយឆ្នាំដូចជាលឿនណាស់។ប៉ាម៉ាក់ឥឡូវចាស់ជរាខ្លាំងណាស់ហើយ។ប៉ាចេញដើរម្នាក់ឯងមិនបានទេ។នៅក្នុងផ្ទះប៉ាក៏ដើររកតែដួលទេ ប៉ុន្តែត្រូវប្រើឈើច្រត់ឬរទេះច្រត់។កាលពីប៉ុន្មានថ្ងៃមុនបូណ្យណូអែល ប៉ាអោយបងជូនទៅផ្សារ ។ពេលចេញមិនទាន់ផុតពីទ្វារផង ម៉ាក់ក៏ទាញសំណាញ់ទ្វារបិទហើយគាបម្រាមដៃប៉ាបន្តិច ប៉ាក៏ដាច់ផ្ងារមកក្រោយក្នុងពេលឡើងកាំជណ្ដើរបានតែមួយកាំប៉ុណ្ណោះ ប៉ុន្តែសំណាងល្អដែលបងនៅពីក្រោយប៉ា បងក៏ចាប់អោយប៉ាជាប់នឹងដៃទាំងពីររបស់បង។បើមិនដូច្នោះទេ ប៉ាប្រហែលជាមានគ្រោះថ្នាក់ធ្ងន់ធ្ងរហើយ ព្រោះប៉ាធ្លាប់វះកាត់ក្បាលយកដុំសាច់ដុះក្នុងក្បាលកាលពីឆ្នាំ២០០៨ហើយបានទទួលការបាញ់ឡាហ៊្សែរចំនួនពីរដងអោយសាច់ដុះឡើងថ្មីទៀតស្វិតរួញតូច។សព្វថ្ងៃនេះ មានជម្ងឺរាតត្បាតកូវីដ១៩ ដែលធ្វើអោយពីភពលោកមានបញ្ហាខ្លាំងណាស់ក្នុងការចេញដើរនិងការជួបជុំ។វាបានសម្លាប់មនុស្សជាង២លានហើយនិងមនុស្សឆ្លងជម្ងឺនេះមានចំនួន១០០លាននាក់ដែលក្នុងនោះអ្នកដែលបានជាពីជម្ងឺមានចំនួនប្រហែល៦០លាននាក់។ការដាក់បំរាមគោចរ និងវិធានការរឹតបន្តឹងក្នុងការជួបជុំការដើរហើរ និងការបិទហាងផ្សេងៗបានធ្វើអោយមនុស្សលោកមានការពិបាកក្នុងការស់នៅណាស់។ជម្ងឺរាតត្បាតកូវីដនេះបានចាប់ផ្ដើមរាលដាលមកពីប្រទេសចិន ហើយរាតត្បាត់ពាសពាញពីភពលោក។យើងមិនដឹងជាកាលណាជម្ងឺនេះនិងចេញបាត់ពីពិភពលោកយើងនេះទេ ទោះជាឥឡូវ គេបានរកឃើញថ្នាំចាក់ហើយកំពុងចាក់អោយមនុស្សបានច្រើនជាហូរហែរហើយក្ដី ។បងសូមលាប្អូនត្រឹមនេះហើយ !បើមានជាតិមុខ បើមានភពដែលគ្មានទុក្ខ គ្មានសេចក្ដីស្លាប់ យើងនឹងតម្រង់ទិសដៅយើងទៅភពនោះទាំងអស់គ្នា!ការតម្រង់ទិសដៅរបស់យើងទៅកាន់ទីនោះគឺយើងត្រូវរលាស់ខ្លួនចេញពីភពសោកសៅហ្មងនេះ កុំអោយតោងស្អិតជាប់នឹងយើងដើម្បីទៅដល់ត្រាណត្រើយសុខសាន្តជារៀងរហូតគ្មានវិលត្រលប់។ពីបង៖ថេន ម៉ារឌី

១០ថ្ងៃក្រោយរដ្ឋាភិបាលបានដាក់បំរាមគោចរ ករណីឆ្លងកូវីដធ្លាក់ចុះបន្តិច

១០ថ្ងៃក្រោយរដ្ឋាភិបាលបានដាក់បំរាមគោចរករណីឆ្លងកូវីដធ្លាក់ចុះបន្តិចថ្ងៃនេះករណីឆ្លងមានចំនួន១៧៤៤នាក់នៅកេបិក។នេះគឺជាលទ្ធផលដែលដំណាក់ដំបូងក្រោយពីការដាក់បំរាមគោចរកាលពីថ្ងៃទី៨មករាមកដែលនឹងបន្តរហូតដល់ថ្ងៃទី៨កុម្ភៈ២០២១នេះ។ប៉ុន្តែប្រសិនជាលទ្ធផលនេះកាន់តែប្រសើរ យើងនឹងឃើញនៅក្រោយការការលើកបំរាមគោចររួមផ្សំនឹងការប្រឹងប្រែងចាក់ថ្នាំវ៉ាក់សាំងនិងវិធានការទប់ទល់នឹងជម្ងឺកូវីដនេះ។ក្នុងឆ្នាំថ្មីនេះ នៅកន្លែងធ្វើការនិងសាលារៀន គេលែងអោយប្រើម៉ាស់ក្រណាត់ទៀតហើយ គឺគេផ្ដល់អោយម៉ាស់ពេទ្យអត់គិតថ្លៃសំរាប់មួយថ្ងៃគឺពីរម៉ាស់។រីករាយ ថ្ងៃនេះដែលសិស្សសាលាមធ្យមសិក្សាចូលរៀនហើយ ។ឥឡូវដោយសារម៉ាស់ប្រើច្រើន វាក៏ធ្វើអោយកកើតសំរាមកាន់តែច្រើនសម្បើមឡើងព្រោះមនុស្សច្រើនណាស់ប្រើវាមួយៗហើយបោះចោលក្នុងធុងសំរាម។នៅពិភពលោក កូវីដចេះតែរាលដាលទោះជាមានវ៉ាក់សាំងចាក់ប្រឆាំងវាក្នុងបណ្ដាប្រទេសជាច្រើនហើយក៏ដោយ។ឥឡូវនេះមនុស្សលើពិភពលោកចំនួន៩៥,៩៩៣,៩៨៤នាក់(ជាង៩៥លាន)បានឆ្លងជម្ងឺកូវីដហើយចំនួន២,0៤៨,៦២៥នាក់(ជាង២លាន)បានស្លាប់។នៅសហរដ្ឋអាមេរិកមនុស្សបានស្លាប់ដោយសារកូវីដមានចំនួនជា៤សែននាក់ និងចំនួនអ្នកឆ្លងជិត២៥លាននាក់ដោយក្នុងនោះអ្នកជាពីជម្ងឺមានចំនួនជាង១៤លាននាក់។ចំណែកនៅកាណាដាមនុស្សឆ្លងកូវីដមានចំនួន៧១៣ ១៨១នាក់ និងមនុស្សស្លាប់ចំនួន១៨ ០២៤។នៅខេត្តកេបិក មនុស្សឆ្លងកូវីដមានចំនួន២៤២ ៧១៤នាក់ និងមនុស្សស្លាប់ចំនួន៩ ០៥៥នាក់ ដែល៩៥ភាគរយសុទ្ធសឹងជាមនុស្សចាស់អាយុពី៦៥ឆ្នាំឡើងទៅ។ខាងក្រោមជាព័ត៌មានថ្ងៃនេះទាក់ទងទៅនឹងជម្ងឺរាតត្បាតកូវីដលើពិភពលោក៖Global confirmed cases: 95,077,677; total deaths: 2,031,599; total recovered: 52,352,854📷Brazil approves China’s Sinovac Biotech and AstraZeneca-Oxford University vaccines for emergency use📷South Africa delays reopening its schools as cases surge📷People entering UK required to show proof of negative test📷UAE lowers minimum age requirement to receive a COVID-19 vaccination from 18 to 16


កាណាដាកំម៉ង់វ៉ាក់សាំង២០លានម្ជុលបន្ថែម(Doses)ដែលនឹងមកដល់ក្នុងចន្លោះខែមេសានិងមិថុនា២០២១

យើងសង្ឃឹមថាវ៉ាក់សាំងនឹងជួយបង្ក្រាបជម្ងឺរាតត្បាតកូវីដពេលដែលយើងគ្រប់គ្នាបានទទួលការចាក់វ៉ាក់សាំងរួចរាល់ហើយ។ប៉ុន្តែពេលនេះ កាណាដាមិនទាន់មានវ៉ាក់សាំងសម្រាប់ចាក់អោយគ្រប់គ្នានៅឡើយទេ។គេចាក់វ៉ាក់សាំងអោយតែបុគ្គលិកធ្វើការផ្នែកសុខភាពនិងមនុស្សចាស់តែប៉ុណ្ណោះ។ម្យ៉ាងទៀត ខ្ញុំឮថាគេក៏នឹងមិនចាក់វ៉ាក់សាំងអោយក្មេងៗនិងក្មេងជំទង់ដែលនៅក្រោមអាយុ១៨ឆ្នាំទេ។ទោះបីយ៉ាងណាយើងនឹងចាំមើលសិនប្រសិនជាគេអាចចាក់វ៉ាក់សាំងអោយក្មេងៗបានដោយគ្មានបញ្ហា។ដំណើរការចាក់វ៉ាក់សាំងនៅកាណាដានាពេលនេះមិនទាន់ពន្លឿនអោយទៅតាមល្បឿនដែលយើងគ្រប់គ្នាចង់បានទេ។ប៉ុន្តែជាមួយការចាក់វ៉ាក់សាំងបណ្ដើរៗនិងវិធានការរឹតបណ្តឹងនៃការបង្ខាំងការដើរហើរ យើងគ្រាន់តែកំពុងប្រយុទ្ធទប់ទល់នឹងជម្ងឺឆ្លងនេះតែប៉ុណ្ណោះ ព្រោះការឆ្លងជម្ងឺមិនបានស្រកចុះសោះតាំងពីរដូវស្រឹកឈើជ្រុះ២០២០រហូតមកដល់ក្រោយពេលចូលឆ្នាំសាកលរួចហើយ ករណីឆ្លងនៅតែឡើងខ្ពស់៖នៅកេបិក ក្នុងកំឡុងពីរបីខែហើយ ករណីឆ្លងពីមួយថ្ងៃទៅមួយថ្ងៃគឺពី២៥០០ទៅ៣០០០នាក់។ដោយខ្លាចក្រែងជម្ងឺកូវីដចេះតែរាតត្បាតខ្លាំងទៅមុខទៀតរដ្ឋាភិបាលកេបិកបានដាក់បំរាមគោចរកាលពីថ្ងៃសៅរ៍ទី៩មករា២០២១ចាប៉ពីម៉ោង៨យប់ទៅដល់ម៉ោង៥ព្រឹក។ម្សិលមិញ ខ្ញុំបានឮគេផ្សាយតាមវិទ្យុថាប៉ូលីសបានស្ទាក់ចាប់មនុស្សដែលមិនគោរពបំរាមគោចរបានចំនួនជាង៧០០នាក់។បំរាមគោចរជាវិធានការបន្ថែមលើវិធានការរឹតបន្តឹងផ្សេងៗនើការជួបជុំនិងការបើកហាងទំនិញ។ឥឡូវនេះ នាយករដ្ឋមន្រ្តីJustin Trudeauនៃប្រទេសកាណាដាប្រកាសប្រាប់ថាលោកបានធ្វើកិច្ចព្រមព្រៀងជាមួយក្រុមហ៊ុនផលិតវ៉ាក់សាំងPfizerនិងBioNTechក្នុងការកំម៉ង់វ៉ាក់សាំងបន្ថែមចំនួន២០លានម្ជុល(Doses)ដែលនឹងត្រូវបញ្ជូនមកដល់ក្នុងចន្លោះខែមេសានិងមិថុនា២០២១រួចហើយដល់ខែកញ្ញាគេនឹងបានចំនួនសរុប៤០លានម្ជុល(doses)។លុះដល់រដូវស្លឹកឈើជ្រុះនោះគ្រប់គ្នានឹងត្រូវបានចាក់វ៉ាក់សាំង។កាណាដាបានធ្វើកិច្ចព្រមព្រៀងជាមួយក្រុមហ៊ុនផលិតវ៉ាក់សាំងទាំងពីរដើម្បីទទួលវ៉ាក់សាំងចំនួនសរុប៨០លានម្ជុល(Doses)សម្រាប់ឆ្នាំ២០២១ដែលអាចចាក់មនុស្សចំនួន៤០លាននាក់ដោយម្នាក់ៗទទួលការចាក់បានពីរដងក្នុងចន្លោះបួនឬ៦អាទិត្យ។សំរាប់ប្រជាជនកាណាដាដែលមានចំនួន៣៨លាននាក់ ដូច្នេះ វាគ្រប់គ្រាន់ហើយ។សូមជំរាបថាក្រោយពីចាក់វ៉ាក់សាំងហើយភ្លាមរហូតដល់ពីរអាទិត្យទើបវ៉ាក់សាំងមានប្រសិទ្ទិភាព។ដូចម្ដេចក្ដី ប្រសិទ្ធិភាពនៃវ៉ាក់សាំងមានកំរិតត្រឹម៩៥ភាគរយ គឺមិនអាចជួយការពារបាន១០០ភាគរយឡើយ។ម្យ៉ាងទៀតក៏សូមកុំយល់ច្រឡំថាវ៉ាក់សាំងចាក់នេះគឺជាវ៉ាក់សាំងការពារជម្ងឺ មិនមែនព្យាបាលជម្ងឺទេ។ព្រឹកមិញនេះ ខ្ញុំឮតាមវិទ្យុផ្សាយថានៅកេបិកមានអ្នកដែលចាក់វ៉ាក់សាំងហើយចំនួន៧នាក់បានឆ្លងជម្ងឺកូវីដ ហើយថាបុគ្គលិកសុខាភិបាលអាចស្ម័គ្រចិត្តចាក់វ៉ាក់សាំងឬមិនចាក់ក៏បាន។មានអ្នកមិនចង់ចាក់វ៉ាក់សាំងឬមិនទុកចិត្តវ៉ាក់សាំងក៏មិនតិចដែរហើយអ្នកខ្លះបាននាំគ្នាងើបប្រឆាំងនឹងការចាក់វ៉ាក់សាំងនេះទៀតផង។

វេជ្ជបណ្ឌិតKarine Dionធ្វើអត្តឃាត

កាលពីដើមខែនេះ វេជ្ជបណ្ឌិតKarineDionអាយុ៣៥ឆ្នាំដែលធ្វើការផ្នែកសង្រ្គោះបន្ទាន់នៅមន្ទីរពេទ្យGranbyបានធ្វើអត្តឃាតចាកលោកនេះទៅហើយដោយបន្សល់កូនប្រុសម្នាក់(Jacob)អាយុ៧ឆ្នាំជាមួយឳពុកគឺលោកDavid Daigle។លោកស្រីវេជ្ជបណ្ឌិតមិនមានជម្ងឺឆ្លងកូវីដទេ ប៉ុន្តែមានអារម្មណ៍ទុក្ខព្រួយចាប់តាំងពីត្រូវសំរាកពីការងារដោយបង្ខំក្នុងខែមិនាឆ្នាំ២០២០បានពីរបីសប្ដាហ៍ប៉ុណ្ណោះក៏វិលត្រលប់ទៅធ្វើការវិញ។លោកDaigleជាស្វាមីយល់ថាដូចជាឆាប់ពេកហើយ។រួចហើយ ភរិយារបស់លោកប្រឹងប្រែងធ្វើការងារញាប់ដៃញាប់ជើង ហាក់ដូចជាស្ថិតនៅក្នុងសមរភូមិសង្រ្គាម។គាត់ចង់ជួយសង្រ្គោះមនុស្សគ្រប់គ្នា។ការងារមមាញឹកនេះបានបន្តរហូតដល់ខែកញ្ញា២០២០ទើប លោកស្រីវេជ្ជបណ្ឌិតត្រូវបង្ខំខ្លួនឈប់សម្រាកម្ដងទៀតប៉ុន្តែមានអារម្មណ៍ថាខ្លួនធ្វើខុសដែលឈប់ធ្វើការហើយទុកអោយសហការីរបស់លោកស្រីនៅតែឯង។ក្នុងពេលជាមួយគ្នានេះ លោកស្រីដែលមានស្វាមីនិងបុគ្គលិកវិជ្ជាជីវៈពេទ្យគាំទ្រផងនោះបានបង្កើតក្រុមការងារជ្រោមជ្រែងមួយក្នុងប្រព័ន្ធអ៉ីនធើណែតសម្រាប់អ្នកធ្វើការក្នុងក្រសួងសុខាភិបាលនៅតំបន់Cantons-de-l’Est។ពីរបីថ្ងៃមុនអត្តឃាត លោកDaigleជាស្វាមីមានទំនុកចិត្តថាលោកស្រីមានអារម្មណ៍ប្រសើរឡើងហើយៗគិតបំរុងនឹងត្រលប់ទៅធ្វើការវិញក្នុងពាក់កណ្ដាលខែកុម្ភៈ២០២០។ថ្ងៃច័ន្ទទី១១កុម្ភៈ២០២១ លោកស្រីវេជ្ជបណ្ឌិតKarine Dionក៏បានធ្វើអត្តឃាតទៅ។លោកDaigleបានមានប្រសាសន៍ថាជម្ងឺរាតត្បាតកូវីដ១៩បានដើរតួក្នុងរឿងសោកនាដកម្មនេះ។

រដ្ឋាភិបាលកេបិកដាក់បំរាមគោចរចាប់ពីថ្ងៃសៅរ៍ខានស្អែកនេះទៅ!

ដោយឃើញថាល្បឿននៃការឆ្លងជម្ងឺកូវីដ១៩នេះ អត់ថយចុះសោះយ៉ាងនេះ ក៏ធ្វើអោយមានការព្រួយបារម្ភកាន់តែខ្លាំងឡើង។ម្សិលមិញ រដ្ឋាភិបាលបានសំរេចមិនបើកទ្វារសាលារៀនឡើងវិញរហូតដល់ចុងខែមករា។ស្រាប់តែថ្ងៃនេះ គេក៏សំរេចដាក់បំរាមគោចរចាប់ពីថ្ងៃសៅរ៍ទី៩មករានេះទៅសំរាប់រយៈពេល១ខែគឺចាប់ពីម៉ោង៨យប់ដល់ម៉ោង៥ព្រឹក។ពាក្យបំរាមគោចរសំរាប់អ្នកដែលមិនទាន់ស្គាល់ពាក្យនេះ អាចយល់ថាជាការហាមគោដើរ។តាមពិតទៅពាក្យនេះយើងច្រើនតែឮក្នុងសម័យស្រុកទេសមានសង្រ្គាមឬការបះបោរណាមួយកើតឡើងព្រោះបំរាមគោចរដូចជាយុទ្ឋសាស្រ្តមួយក្នុងការស្វែងរកកំទេចសត្រូវក្នុងសង្រ្គាមឬក្នុងចលាចលដែលបណ្ដាលមកពីការបះបោរ។ពាក្យបំរាមគោរចដែលភាសាបារាំងហៅថាcouvre-feu ហើយភាសាអង់គ្លេសថាCurfewគឺជាច្បាប់ដែលហាមមិនអោយមនុស្សចេញពីផ្ទះចាប់ពីម៉ោងប៉ុន្មានទៅដល់ម៉ោងប៉ុន្មានដែលគេបានកំណត់។ឮពាក្យនេះ មនុស្សគ្រប់គ្នាហាក់ដូចជាមានអារម្មណ៌ថាស្រុកទេសមានសង្គ្រាមឬចលាចលសង្គមកើតឡើងអញ្ចឹង។តាមពិតទៅការប្រយុទ្ធនឹងជម្ងឺរាតត្បាតនៃកូវីដ១៩នេះ វាដូចជាធ្វើសង្រ្គាមចឹងដែរ ។ដូច្នោះហើយបានជាប្រធាធិបតីអាមេរិកDonald Trumpបានមានប្រសាសន៌ថាជម្ងឺកូវីដ១៩គឺជាសត្រូវដែលមើលមិនឃើញតែក្នុងចិត្តលោកចង្អុលមុខចិន។រីឯនៅប្រទេសបារាំងវិញប្រធានាធិបតីបារាំងគឺលោកEmmanuel Macronមានប្រសាសន៌ថាប្រទេសធ្វើសង្រ្គាមអនាម័យ(ប្រឹាំងនឹងជម្ងឺកូវីដ១៩)។ការដាក់បំរាមគោចរនេះមានប្រសិទ្ធិភាពនៅក្នុងប្រទេសមួយចំនួនក្នុងទ្វីបអឺរ៉ុប ដូចជាប្រទេសបារាំងក្រោយពីបានដាក់បំរាមគោចរនៅក្នុងពាក់កណ្ដាលខែតុលាមក ប្រទេសបារាំងបានបន្ថយការឆ្លងជម្ងឺកូវីដ១៩ពីចំនួនជាង៥ម៉ឺននាក់មកនៅត្រឹមជាង២ម៉ឺននាក់ប៉ុណ្ណោះក្នុងមួយថ្ងៃ។នៅ ឯប្រទេសអង់គ្លេសវិញទើបតែមានករណីឆ្លងកូវីដកើនឡើងសន្ធឹកក្រោយពីគេរកឃើញថាមេរោគកូវីដ១៩បានវិវត្តិប្រែខ្លួនជាមេរោគកូវីដថ្មីដែលអាចឆ្លងលឿនជាងពី៥០ទៅ៧៤ភាគរយ។ប្រទេសអាមេរិកដែលនាំមុខគេក្នុងការឆ្លងជម្ងឺកូវីដ១៩ក៏នៅតែមានការឆ្លងរោគច្រើនយ៉ាងសន្ធឹកដដែលគឺមួយៗថ្ងៃជាង២សែននាក់ហើយអ្នកស្លាប់មានចំនួនពី២ទៅ៣ពាន់នាក់ក្នុងមួយថ្ងៃៗ។បន្ថែមលើនេះ រដ្ឋអស់ថវិកាច្រើនសម្បើមណាស់។និយាយរួមគឺវិបត្តិនៃជម្ងឺឆ្លងកូវីដ១៩ធ្វើអោយគ្រប់ប្រទេសទាំងអស់លើពិភពលោកនេះ ចំណាយអ់ស់ប្រាក់យ៉ាងសន្ធឹកណាស់ជាពិសេសគឺប្រទេសអាមេរិកតែម្ដង។ចំណែកប្រទេសជប៉ុនថ្ងៃនេះបានប្រកាសដាក់ភាពអាសន្នសំរាប់ទីក្រុងTokyoចាប់ពីថ្ងៃសុក្រ(ស្អែក)នេះទៅ។ចំពោះការដាក់បំរាមគោចរមិនមែនមានន័យថាគ្រប់គ្នាមិនត្រូវចេញពីផ្ទះក្នុងកំឡុងម៉ោងដែលគេបានកំណត់នោះទេ ព្រោះគេអនុញាតិអោយមនុស្សចេញទៅធ្វើការបាន ឬអ្នកដែលត្រូវទៅពេទ្យក៏អាចចេញបានដែរ ។ប៉ុន្តែបំរាមគោចរគឺហាមមនុស្សទូទៅមិនអោយចេញពីផ្ទះក្នុងកំឡុងម៉ោងនិងថ្ងៃដែលគេបានកំណត់។ការហាមចេញពីផ្ទះមានន័យថាអ្នកអាចចេញពីផ្ទះហើយដើរបានត្រឹមតែក្នុងបរិវេណផ្ទះតែប៉ុណ្ណោះ គឺមិនអាចចេញដល់ផ្លូវថ្នល់ឬផ្ទះអ្នកជិតខាងបានឡើយ។ប្រសិនជាប៉ូលីសចាប់បានអ្នកប្រព្រឹត្តល្មើសៗនឹងត្រូវពិន័យជាទឹកប្រាក់យ៉ាងតិច១០០០ដុល្លារ។

ឆ្នាំថ្មី កូវីដបង្ករលកទីបី

គ្រប់គ្នាដូចជាមានសង្ឃឹមថាកូវីដនឹងថយចុះចាប់ពីដើមឆ្នាំថ្មី២០២១នេះទៅ ព្រោះមានថ្នាំវ៉ាក់សាំងចាក់អោយប្រជាពលរដ្ឋតាំងពីពាកកណ្ដាលខែធ្នូរួចហើយគេបានចាត់វិធានការតឹងរឹងខ្លាំងឡើងប្រឆាំងនឹងកូវីដ១៩ក្នុងឱកាសបុណ្យណូអែលនិងចូលឆ្នាំថ្មី។ប៉ុន្តែមិនដូចការគិតស្មានរបស់យើង ការឆ្លងជម្ងឺកូវីដវាមិនស្រកចុះ តាំងពីខែកញ្ញារហូតមក។នៅខេត្តកេបិកចំនួនមនុស្សក្នុងមួយថ្ងៃជាង២៥០០នាក់។ឥឡូវនេះគេហាមមិនអោយលក់របស់របរមិនចាំបាច់ រួចហើយប្រហែលជាវិស្សមកាលត្រូវបន្លាយពេលទៅមុខទៀត។នៅប្រទេសអង់គ្លេស សាលារៀននឹងបិទទ្វាររហូតដល់ពាក់កណ្ដាលខែកុម្ភៈ២០២១។សម្រាប់ដែលអាចចេញពីផ្ទះបាន ទាល់តែចាំបាច់ដូចជាទៅធ្វើការ ទៅផ្សារ ទៅពេទ្យជាដើម។ល។ កាលពីសប្ដាហ៌កន្លងមកនេះ នៅប្រទេសអង់គ្លេស កូវីដ១៩បានប្រែក្លាយជាកូវីដប្រភេទថ្មីដែលធ្វើអោយពិភពលោកភ័យផ្អើល ហើយបានបិទការហោះហើរយន្តហោះពីប្រទេសអង់គ្លេស។ប្រទេសកាណាដាក៏ធ្វើដូច្នេះដែរ ព្រោះថាកូវីដ១៩កម្លាយថ្មីនេះសាហាវជាងកូវីដមុន ដោយសារថាវាឆ្លងលឿនលើសពី៥០ទៅ៧៤ភាគរយ។ពេលនេះ ប្រទេសអង់គ្លេសកំពុងមានការឆ្លងជម្ងឺកូវីដខ្លាំងឡើងវិញ គឺមួយថ្ងៃជាង៥ម៉ឺននាក់។ទោះជាគេបានចាប់ផ្ដើមចាក់វ៉ាក់សាំងការពារជម្ងឺកូវីដពាសពេញលើពិភពលោកទៅហើយក្ដី ប៉ុន្តែការឆ្លងជម្ងឺនេះមិនបានបន្ថយល្បឿនទេ ។តាមមើលប្រហែលវាមិនទាន់ដល់ពេលប៉ុណ្ណោះ ព្រោះវាដូចជាបាល់ដែលវារមៀលពីដីទួលវាក៏មិនអាចឈប់ភ្លាមបានទេ ។នៅខេត្តកេបិកដែលមានប្រជាជនជាង៨លាននាក់ដែលមានចាប់ផ្ដើមពីខែដើមខែមករានេះទៅរហូតដល់ខែមិនា ការចាក់វ៉ាក់សាំងការពារជម្ងឺកូវីដ នឹងបានដល់មនុស្សត្រឹមចំនួនជាង៦សែនប៉ុណ្ណោះ។ឥឡូវនេះ លើពិភពលោក ចំនួនអ្នកឆ្លងជម្ងឺកូវីដ១៩ មានចំនួនជិ៨៧លាននាក់ហើយ ដែលក្នុងនោះមានអ្នកជាពីជម្ងឺជី៦២លាននាក់។ចំណែកអ្នកស្លាប់មានចំនួនជិត២លាននាក់ហើយ។ប្រទេសអាមេរិកមានអ្នកឆ្លងជម្ងឺចំនួនជាង២១លាននាក់ដែលក្នុងនោះអ្នកជាពីជម្ងឺមានចំនួនជិត១៣លាននាក់និងអ្នកស្លាប់ចំនួនប្រហែល៣សែន៧ម៉ឺននាក់ គឺច្រើនជាងគេទាំងអស់។យើងដូចជាអត់មានសង្ឃឹមថាជម្ងឺកូវីដ១៩នេះនឹងរលាយបាត់ក្នុងឆ្នាំនេះទេ ។រាល់ថ្ងៃនេះ យើងទាំងអស់គ្នាហាក់ដូចជាជាប់ក្នុងគុកឥតជញ្ជាំង ។និយាយរួមគឺពិបាករស់នៅ គ្រប់ទីកន្លែង។សូមមើលការUPDATEនៃជម្ងឺឆ្លងកូវីដ១៩ដូចខាងក្រោមនេះ៖

31 December,24:00= end of the year=beginning of the year

Now You are counting down the time at the end of the year,and say 31 december 2020,24:00 is the end of the year,but at the same time,it is the beginning of the year(2021) too.It is just like you get up in the morning and see the sunrise and say the sun is rising but at the other side of the earth,it is not the sunrise,it is the sunset.Is this true or not?The fact is that the sun is not rising neither setting.The sun is always shining in all circumstances.The shining of sunlight is the truth which is indifferent to both of your views.Does the truth has two faces?In fact, the sun is notrising neither setting but is shining all the time.The sunrise and sunset make an illusion of the event which is due to its rotationand revolution of the earth around the sun.But the truth is unique in all circumstances:The sun is shiningnonstop.So,for the time,the end is not the end,it is the beginning.Is it so for life,Is its end is the beginning of new life?Patanjali, an Indian philosopher of the second century BC,exposed this parameter as an aphorism:”Past, present and future do not exist.Everything happens at the same time ”.As for Gérard Charouqui who had a near death experiencewhen he was seriously wounded in a car accident in1990 said that death is just a life elsewhere.He is not afraid anymore of the death .This is because he realized that the death is just the beginning of another life elsewhere.It is just like the sunset is in fact the sunrise and the sunrise ,on the contrary,is the sunset.

ប៉ាណូអែលហោះចុះមកចែកកាដូមិនដែលខាន!

ទោះជាឆ្នាំនេះ រដ្ឋាភិបាលនៃប្រទេសនីមួយៗជាពិសេស ប្រទេសកាណាដានិងប្រទេសអាមេរិកជាដើមហាមមិនអោយគ្រួសារណាមួយជួបជុំជាមួយគ្រួសារផ្សេងៗទៀតក្ដីប៉ុន្តែ ប៉ាណូអែលត្រូវតែបំពេញបេសសកម្មចែកអំណោយជារៀងរាល់ឆ្នាំម្ដងនៅថ្ងៃទី២៥ធ្នូ ជាថ្ងៃបុណ្យណូអែល។ប៉ាណូអែលមិនមែនមនុស្សធម្មតា គឺមានជីវិតអមតៈ។ប៉ាណូអែលមានកម្លាំងរឹងមាំ មិនដែលឈឺ គឺមិនអាចឆ្លងជម្ងឺអ្វីឡើយ។ដូច្នេះផ្ទះនីមួយៗ សូមកុំបារម្ភពីប៉ាណូអែលឆ្លងកូវីដហើយមកចម្លងវាចូលមកដល់ផ្ទះឡើយ។សូមអោយក្មេងជាពិសេសគេងលក់បានស្រួលនៅយប់នេះថ្ងៃទី២៤ឆ្លងចូលទី២៥ធ្នូរួចហើយស្អែកឡើងនឹងបានឃើញកាដូដាក់រាយនៅក្រោមដើមសាប៉័ងហើយសប្បាយរីករាយក្នុងឱកាសបុណ្យនេះ តែក៏សូមប្រយ័ត្នផងដែរនឹងជម្ងឺកូវីដ១៩ដែលកំពុងរាតត្បាតចម្លងនិងសម្លាប់មនុស្សរាប់លាននាក់យា៉ងសាហាវជាលើកទី២នៅលើពិភពលោក ទោះជាមានការចាប់ផ្ដើមចាក់វ៉ា់ក់សាំងការពារបណ្ដើរៗជាពិសេសដល់មនុស្សចាស់និងបុគ្គលិកធ្វើការក្នុងមណ្ឌលសុខភាពក៏ដោយ ដើម្បីចូលរួមទាំងអស់គ្នាវាយបំបាក់រលករាតត្បាតជម្ងឺកូវីដលើកទី២នេះ។យើងសង្ឃឹមថាឆ្នាំថ្មី២០២១ មនុស្សយើងនឹងបានវិលត្រលប់មករស់ក្នុងជីវិតធម្មតាឡើងវិញ។Joyeux Noêl et Bonne Année,Tout le monde!Merry Christmas and Happy New Year everybody!សូមរំលឹកផងដែរថាថ្ងៃបុណ្យ២៥ធ្នូរក៏ជាថ្ងៃរំលឹកទិវាកំណើតរបស់ព្រះយេស៊ូដែលគ្រឹស្ទសាសនិកជនប្រារព្ឋជារៀងរាល់ឆ្នាំ!ខាងក្រោមនេះ ជាអត្ថបទនៃប្រវត្តិសង្ខេបរបស់ព្រះយេស៊ូដែលខ្ញុំបានបកប្រែពីសៀវភៅមួយដែលមានចំណងជើងថាliving WORLD HISTORY ៖ព្រះយេស៊ូប្រសូតនៅទីក្រុងBethlehemក្បែរទីក្រុងJerusalemហើយបានចំរើនវ័យឡើងនៅក្នុងភូមិមួយឈ្មោះNazarethដែលនៅទីនោះព្រះអង្គបានរៀនមុខរបរជាជាងឈើ។នៅជន្មាយុសាមសិបព្រះវស្សាព្រះអង្គក៏បានបោះបង់់ចោលមុខរបរនេះ រួចហើយក៏បានចាប់់ផ្ដើមធ្វើដំណើរពេញផ្ទៃប្រទេសប៉ាលីស្ទីនដើម្បីផ្សព្វផ្សាយដំណឹងល្អអំពីសេចក្ដីស្រលាញ់់ចំពោះមនុស្សផងដូចគ្នា ហើយថ្កោលលទោសអំពើហឹង្សា និងសេចក្ដីចិត្តអាក្រក់់។ការធ្វើដំណើររបស់់ព្រះអង្គដែលមានសាវ័កដប់់ពីរនាក់់រួមដំណើរជាមួយបានទាក់់ទាញមនុស្សជាច្រើនអោយមកដល់់ទីកន្លែងណាក៏ដោយដែលព្រះអង្គចេញបង្ហាញព្រះអង្គ។ជាច្រើនសតវត្សមកហើយ ព្យាករណ៏ជនជាតិហ្វ្សីសបានបង្រៀនថាព្រះនឹងបង្កើតប្រទេសអ៊ីស្រាអែលនៅថ្ងៃណាមួយក្រោមការគ្រប់់គ្រងរបស់់វីរជនណាម្នាក់់មានអំណាចដូចជាព្រះ។ជនជាតិហ្វ្សីសមានជំនឿដូចព្រះយេស៊ូដែលថាព្រះអង្គគឺជាព្រះគ្រិស្ទដែលគេរង់់ចំាជាយូរមកហើយដើម្បីបង្កើតប្រទេសអ៊ីស្រាអែល។ដូច្នេះពួកគេក៏បង្ខំព្រះអង្គអោយរដោះពួកគេចេញពីអំណាចរបស់់ក្រុងរ៉ូមដោយប្រើកំលំាង។ក៏ប៉ុន្តែព្រះអង្គមិនព្រមដឹកនំាការបះបោររបស់់ពួកគេ។ព្រះអង្គគ្រាន់់តែស្វះស្វែងរំដោះមនុស្សលោកដោយបង្រៀនអោយប្រព្រឹត្តតែអំពើល្អទំាងខាងផ្លូវកាយនិងចិត្តតែប៉ុណ្ណោះ។ហេតុដូច្នេះក្នុងកំហឹងពុះពោរ,ជនជាតិហ្វ្សីសជាច្រើនបានងាកមកប្រឆាំងនឹងព្រះអង្គហើយថ្កោលទោសព្រះអង្គដោយប្រគល់់ព្រះអង្គអោយពួកមន្រ្តីទីក្រុងរ៉ូមនិងអភិបាលក្រុងរ៉ូមPilate Pontius ដែលកាត់់ទោសដោយសំរេចធ្វើគត់់ព្រះអង្គលើឈើឆ្កាង។គម្ពីថ្មីបានរៀបរាប់់ថាព្រះអង្គបានបង្ហាញព្រះកាយចេញមកក្រោយការធ្វើគត់់លើឈើឆ្កាង ដល់់សាវ័កទំាងដប់់ពីររបស់់ព្រះអង្គហើយបង្រៀនពួកគេអំពីជីវិតអមតៈ។ពួកសាវ័កខ្លះក៍៏បានធ្វើដំណើរផ្សព្វផ្សាយដំណឹងអំពីការរស់់រានមានជីវិតឡើងវិញរបស់់ព្រះអង្គ ហើយក្លាយជាបេសជនដែលផ្សាយដំណឹងល្អ។

កូវីដឯងរលាយបាត់ខ្លួនអោយឆាប់ទៅ!

មិនដឹងអង្កាល់ឯងនឹងចាកចេញអោយបាត់ពីពិភពលោកនេះទៅ?ធុញនឹងឯងណាស់ !តប់ប្រមល់នឹងឯងខ្លាំងណាស់!ឯងធ្វើអោយមនុស្សគ្រប់គ្នាខ្លាច ឯងណាស់ព្រោះឯងសាហាវ ឯងជាមេរោគចម្លងគេ ធ្វើអោយគេឈឺអោយគេស្លាប់រាប់លាននាក់។និយាយមក!ឯងចេញមកពីទីណា?មកពីមន្ទីរពិសោធន៌ចិន ពីសត្វប្រជៀវចិន ឬពីប្រអប់មេរោគដែលនាងPandoraបានមើល?ហើយដោយសារឯង មនុស្សលោកគ្រប់គ្នាពិបាករស់នៅគ្រប់ទីកន្លែង។រលកទីមួយរបស់ឯងដែលចាប់កំណើតឡើងមកពីប្រទេសចិនតាំងពីដើមឆ្នាំ២០២០បានបោកបក់មកលើប្រទេសអីតាលី ធ្វើអោយប្រទេសនេះទទួលរងមហន្តរាយយ៉ាងដំណំជាងគេបង្អស់លើលោកហើយធ្វើអោយទីក្រុងទាំងឡាយក្លាយជាទីរហោដ្ឋានអស់គ្មានសល់។មើលទៅគួរអោយខ្លាច!។មិនដែលឃើញពិភពលោកមានសភាពស្ងាត់ជ្រងំយ៉ាងដូច្នេះទេ! វាខ្លាំងជាងសង្រ្គាមលោកទៅទៀត។លុះក្រោយពីឯងបានធ្វើបាបប្រទេសអីតាលីនិងបណ្ដាប្រទេសនានានៅអាស៊ី អាព្រិក អូសេអានីនិងអឺរ៉ុបមក ក៏បានមកបោកបក់លើប្រទេសកាណាដា សហរដ្ឋអាមេរិកនិងអាមេរិឡាទីនរួចហើយរលកទីមួយរបស់ឯងក៏បានស្ងប់ស្ងាត់បន្តិចទៅក្នុងរដូវក្ដៅ ជាហេតុធ្វើអោយមនុស្សអាចចេញទៅធ្វើការ សិស្សចូលរៀននិងអោយហាងទំនិញផ្សេងៗបើកទ្វារឡើងវិញ ដោយសង្ឃឹមថាមនុស្សមនុស្សលោកអាចទប់ទល់នឹងការរាតត្បាតរបស់ឯងបាន។ផ្ទុយទៅវិញ ក៏ស្រាប់តែមិនយូរប៉ុន្មាន ពេលដែលរដូវក្ដៅមិនទាន់ចប់ផង ឯងក៏ធ្វើអោយមានរលកបោកបក់ទីពីរទៀតលើពីភពលោក តែខុសពីរលកទីមួយដែលធ្វើអោយទីក្រុងទាំងឡាយក្លាយជាទីរហោដ្ឋាន រលកទីពីររបស់ឯងសាហាវជាងរលកទីមួយខ្លាំងណាស់។មិនចុះចាញ់នឹងឯង មនុស្សមិនទ្វារកន្លែងធ្វើការ មិនបិទទ្វារសាលារៀន គឺមនុស្សត្រូវពាក់ម៉ាស់គ្រប់គ្នាទៅធ្វើការ ទៅផ្សារ និងមិនមូលផ្ដុំគ្នាទោះនៅណាផ្ទះក្ដីទីណាក្ដីកុំអោយលើសកំណត់ដែលប្រទេសនីមួយៗបានកំរិត។មនុស្សលោកតប់ប្រម៉ល់នឹងឯងខ្លាំងណាស់ ក្នុងការពាក់ម៉ាស។ពុំមាននរណាចូលចិត្តពាក់ម៉ាស់ទេ ។នៅកន្លែងធ្វើការ គេពាក់ម៉ាសធ្វើការ ប្រាំបីម៉ោង ដូចជាថប់ដង្ហើម ។អ្នកខ្លះទាញម៉ាស់មកក្រោមចង្កា ពេលនៅឃ្លាតឆ្ងាយពីអ្នកដទៃ ហើយពេលអ្នកដទៃមកក្បែរក៏លើកម៉ាស់មកគ្រប់មាត់និងច្រមុះឡើងវិញ គឺគេធ្វើយ៉ាងនេះរបៀបដូចជាមុជក្នុងទឹក ហើយពេលទប់ដង្ហើមអស់ ក៏ងើបមកដកដង្ហើមទៀត ។ម្យ៉ាងទៀត ពាក់ម៉ាស់មានខ្សែកៅស៊ូចងរឹតនឹងត្រចៀកដូចជាញឹងត្រចៀករាល់ថ្ងៃ ។ដល់យូរទៅ ក៏លែងឈឺហើយ។មនុស្សជាច្រើនអត់ការងារធ្វើ ដោយសារឯង ហើយមនុស្សជាច្រើននៅសំងំតែក្នុងផ្ទះ ធ្វើអោយធុញថប់នឹងការរស់នៅ ដូចជាមានស្រេ្តស មានការបាក់ទឹកចិត្ត ដោយមិនបានចេញក្រៅ ជួបជុំមិត្តភក្ដិ ក្រុមគ្រួសារ កូនចៅជាពិសេសក្នុងឱកាសបុណ្យណូអែលនិងចូលឆ្នាំថ្មីខាងមុខនេះដែលរដ្ឋាភិបាលកាណាដាមិនអនុញាតិអោយជួបជុំនរណាក្រៅពីគ្រួសារខ្លួនឯងឡើយ។មនុស្សជាច្រើន ជាពិសេសមនុស្សវ័យចំណាស់កាលណាឯងចម្លងហើយ ក៏ឈឺមិនជាហើយក៏ស្លាប់បាត់បង់ជីវិត ធ្វើអោយបងប្អូនសាច់ញាតិ ឈឺចាប់រកទីបំផុតគ្មាន។រលកទីពីររបស់ឯងនេះសាហាវយង់ឃ្នង់ណាស់។រលកទីពីររបស់ឯងម្ដងនេះគឺបោកបក់យារយីប្រទេសអាមេរិកខ្លាំងជាងគេលើពិភពលោក គឺខ្លាំងជារលកទីមួយឆ្ងាយណាស់។រាប់តាំងពីរលកទីមួយមកដល់រលកទីពីរនាពេលនេះ ប្រទេសអីតាលីមានមនុស្សស្លាប់65,011នាក់ អ្នកឆ្លងកូវីដឯងចំនួន1,855,737នាក់និងអ្នកជាសះស្បើយពីឯងចំនួន1,115,617នាក់។ចំណែកប្រទេសអាមេរិក មានអ្នកស្លាប់ចំនួន308,013នាក់អ្នកឆ្លងកូវីដឯងចំនួន16,935,409នាក់និងអ្នកជាសះស្បើយចំនួន9,852,977នាក់។រីឯប្រទេសកាណាដាវិញមានអ្នកស្លាប់ចំនួន13,553នាក់ អ្នកឆ្លងពីកូវីដឯងចំនួន468,862នាក់ និងអ្នកជាសះស្បើយចំនួន379,467នាក់។និយាយទូទាំងពិភពលោកវិញ កូវីដឯងចម្លងមនុស្សលោកចំនួន73,172,125នាក់(ជាង៧៣លាននាក់) អ្នកជាសះស្បើយចំនួន51,291,201នាក់(ជាង៥៣លាននាក់)ហើយអ្នកស្លាប់ចំនួន1,627,258នាក់(ជាងមួយលានកន្លះ)។ឥឡូវនេះ មនុស្សបានរកឃើញមធ្យោបាយដ៏ល្អបំផុតមួយដើម្បីទប់ទល់នឹងឯងហើយ គឺផលិតថ្នាំចាក់ការពារពីការឆ្លងឯងជាមរោគចង្រៃ។ឯងគួររៀបចំបង្វិចគេចេញពីពិភពលោកនេះទៅ។រាល់ថ្ងៃ នៅសហរដ្ឋអាមេរិក មានមនុស្សស្លាប់ពី២០០០នាក់ទៅជាង៣០០០នាក់ដោយសារចង្រៃឯង។នៅកេបិកនេះ មានអ្នកឆ្លងឯងមួយថ្ងៃៗជិត២០០០នាក់ គឺមានស្រកសោះតាំងពីរលកទីពីរចាប់ផ្ដើមមក។ដូច្នេះហើយគេក៏ចាត់វិធានការតឹងរឹងក្នុងការទប់ទល់នឹងឯងទៀតហើយរហូតទាល់តែឯងចុះខ្សោយ ដោយមានសង្ឃឹមក្នុងឆ្នាំក្រោយពេលមានការចា់ក់វ៉ាក់សាំងដល់ប្រជាពលរដ្ឋទូទៅលើពិភពលោក។ថ្ងៃនេះនៅកាណាដានិងសហរដ្ឋអាមេរិក គេចាប់ផ្ដើមចាក់ថ្នាំការពារហើយ ។គេតម្រូវអោយមនុស្សម្នាក់ៗចាក់វ៉ាក់សាំងពីរដង៖គឺម្ដងហើយបីអាទិត្យក្រោយមកម្ដងទៀត។ដំបូងគេចាក់វ៉ាក់សាំងអោយតែមនុស្សចាស់ៗដែលរស់នៅឯមណ្ឌលមនុស្សចាស់ និងបុគ្គលិកពេទ្យ រួចហើយចាប់ផ្ដើមពីខែមករាឆ្នាំក្រោយទើបគេចាក់អោយមនុស្សទូទៅ។នៅប្រទេសកាណាដាគេនឹងចាក់វ៉ាក់សាំងមនុស្សទូទៅបានបីលាននាក់សម្រាប់រយៈពេលពីខែមួយដល់ខែបី។នៅខេត្តកេបិក ក្នុងសប្ដាហ៌នេះគេនឹងចាក់វ៉ាក់សាំងមនុស្សបានចំនួនត្រឹម៤ពាន់នាក់ប៉ុណ្ណោះ។ប៉ុន្តែ រាប់ពីពេលនេះទៅដល់ចងឆ្នាំ២០២០ គេនឹងចាក់វ៉ាក់សាំងមនុស្សក្នុងខេត្តកេបិកបានចំនួន៣០ ០០០នាក់ ទោះបីជាមានមនុស្សមួយចំនួនស្ទាក់ស្ទើរមិនចង់ចាក់វ៉ាងការពារនេះក្ដី។វ៉ាក់សាំងចាក់ការពារនេះត្រូវបានគេធ្វើតេស និងអនុម័តយល់ព្រមហើយដោយFDA(Food and Drugs Administration)។ប៉ុន្តែក៏មានអ្នកប្រឆាំងមិនព្រមចង់ចាក់វាក់សាំងនេះដែរព្រោះមិនទុកចិត្តដោយខ្លាចទទួលរងប្រតិកម្ម ឬអាល់លែកហ្ស៊ី។នៅប្រទេសអង់គ្លេសការចាក់វាំងកាលពីសប្ដាហ៌មុន មានអ្នកទទួលរងប្រតិកម្មចំនួនពីរនាក់។ទីបញ្ចប់នេះ យើងសង្ឃឹមថាឯងនឹងចាកចេញអោយបាត់ពីពិភពលោកនេះទៅក្នុងពេលឆាប់ៗនេះ!!!

រូបថតសល់ពីសម័យមុនៗដ៏កំរ

សម័យមុនៗជាពិសេសសម័យសង្គមរាស្ត្រនិយមឬសម័យសាធារណរដ្ឋ ខ្មែរៗយើងសឹងគ្រប់គ្រួសារមិនត្រឹមតែមានសមាជិកស្លាប់ឬព្រាត់ប្រាសប៉ុណ្ណោះទេ សូម្បីរូបថតក៏កំរមានសល់ដែរ។សំរាប់អ្នកក្រុងភ្នំពេញដែលត្រូវជម្លៀសទៅជនបទ រូបថតខ្លះៗដែលអាចសល់បានមានតែបងប្អូនសាច់ញាតិជិតឆ្ងាយដែលបានរក្សារទុករហូតមក ព្រោះម្យ៉ាងត្រូវខ្មែរក្រហមបញ្ឆោតថាវាជម្លៀសទីក្រុងរយៈពេលតែ៣ថ្ងៃទេ ដូច្នោះហើយគ្មាននឹកនាយកអីវ៉ាន់ផ្សេងៗទៅតាមខ្លួន សូម្បីរូបថតក៏អត់ដែរ។ប្រសិនជាមានអ្នកខ្លះយកទៅតាមខ្លួន ក៏ប្រហែលជាមិនអាចរក្សាទុកជាមួយខ្លួនបានដែរ ព្រោះខ្លាចខ្មែរក្រហមចោទប្រកាន់ឬយកទៅសម្លាប់ ។របបខ្មែរក្រហមគឺរបបនៃឆ្នាំសេរ៉ូ ។ម្យ៉ាងទៀត នៅសម័យនោះ ខ្មែរយើងក៏មិនសូវមានរូបថតដែរ ហើយអ្នកខ្លះបានអោយរូបថតទៅបងប្អូនសាច់ញាតិជិតឆ្ងាយដែលអាចរក្សាទុកបានឆ្លងកាត់សម័យនៃសង្រ្គាម។ប៉ាម៉ាក់ខ្ញុំអត់បានរក្សាទុករូបថតសល់ពីសម័យមុនៗទេ ប៉ុន្តែសំណាងមានបងប្អូនបានរក្សារូបថតខ្លះៗដែលជារូបថតដ៏កំរហើយខ្ញុំមិនដែលបានឃើញតំាងពីបែកអាពតមក។មិនដូចសម័យនេះ យើងមិនត្រឹមមានរូបថតពណ៌ល្អៗ ថែមទាំងមានវីឌីអូហូរហៀរគ្រប់ៗគ្នា ព្រោះសឹងគ្រប់គ្នាមានអាយហ្វូនប្រើប្រាស់ជារៀងរាល់ថ្ងៃ។រូបថតប៉ា ម៉ាក់ដែលបងខ្ញុំបានផ្ញើមកអោយខ្ញុំខាងក្រោមនេះ ទំនងជាថតក្នុងសម័យសាធារណរដ្ឋខ្មែរ។ក្នុងរូបថត យើងអាចឃើញភាពខុសប្លែកនៃរបៀបកាត់សក់និងសម្លៀកបំពាក់ពីសម័យនេះ ជាពិសេសចំពោះម៉ូដកាត់សក់និងសម្លៀកបំពាក់ស្ត្រីតែម្ដង។ខ្ញុំក៏សាកល្បងគូររូបប៉ាម៉ាក់ក្នុងផ្ទាំងរូបតែមួយជាមួយគ្នា ទោះមិនដូចតែគ្រាន់តែនឹកថាចង់គូរ ព្រោះរូបថតពណ៌សខ្មៅគួរអោយចង់គូរ ម្យ៉ាងទៀតចង់ដាក់រូបប៉ាម៉ាក់ទាំងពីរនាក់បញ្ចូលគ្នាផង។